關於部落格
文藝天地,歡迎入來打嘴鼓!
  • 12256

    累積人氣

  • 0

    今日人氣

    0

    追蹤人氣

悲傷的瞬間

恬恬坐佇客廳,假若予一雙手sak the佇膨椅頂,用相機一直掠袂稠的記智,hia一段過一段各種的人生記智,suah綴schubert的音樂闖出來。我講的音樂,就是下面這段moments musicaux(音樂的瞬間) No.2: http://www.youtube.com/watch?v=v43aNGk1aYs

全是音樂聲的我的頭殼,雄雄出現我的阿公佮阿媽佇我四歲的時tshuā我去花蓮遊覽的畫面,我坐佇怹二人的跤頭趺,遊覽車經過(中橫)彎彎曲曲的山路,最後來到花蓮港。音樂聲裡,我假若一直聽著我的阿公咧弄我笑的對話,怹直直問我大漢敢欲駛遊覽車載怹蹉跎。我允怹。我閣會記阮佇花蓮過一暝,第二工透早,遊覽車共阮載去坐花蓮輪,尚奇妙的是,花蓮輪共喙thih開,遊覽車家己嘛駛入去花蓮輪的腹肚。花蓮輪頂有一枝足大枝的煙筒,我直直相伊,聽候伊霧一嘴烏煙出來,了後,大船駛振動......雖然是四歲的記智,今想起來suah是這呢明。我略仔算,hín的阿公阿媽,閣猶未50咧,ah今,怹嘛過身遐久矣。佇樂聲裡,我感受著時間流逝的悲傷感,毋知按怎,親像針直直ui來。佇船的甲板,阿公共我抱leh,我向太平洋講,以後我無欲駛遊覽車--矣,我欲駛花蓮輪載--怹。

音樂的瞬間,嘛是悲傷的瞬間。
 
假使hín若繼續hip相無寫文學,這馬會是啥款? 佇音樂的內面,我雄雄感覺著家己的虛假。我知影,若我繼續hip,記智仝款袂放我煞,毋過,我毋免直直假影家己是足愛犧牲、足了不起的人。 2009/12/28 佇高雄內惟 Scanner001-2-s
相簿設定
標籤設定
相簿狀態